UI/UX testi: mobil ilovaning sifatini va salohiyatini oshirish

UI/UX testi: mobil ilovaning sifatini va salohiyatini oshirish

Bugungi kunda yangi bank ilovasi bilan bozorga muvaffaqiyatli kirish unchalik oson emas, chunki oddiy ilova bilan hech kimni hayron qoldirib boʻlmaydi. Mijozlar istaydigan, ular ishlatishiga arziydigan mahsulotni yaratish uchun mijozlarning ehtiyojlariga tayanish kerak. Shuning uchun ANORBANK doimo oʻz ilovasini yaxshilash ustida ishlaydi.

«Bizning asosiy yutuqlarimizdan biri bu bank mahsulotlari oʻz mutaxassislarimiz tomonidan ishlab chiqilganligidir. Ilovani ishlab chiqishda 100 dan ortiq IT-mutaxassislar, dasturchilar, testchilar, marketolog va tahlilchilar ishtirok etdi. Maqsadimiz – dasturni iloji boricha tezroq yaratish edi. Shuning uchun kechayu kunduz bu borada ishladik», - deydi boshqaruv raisi oʻrinbosari Zohid Alimov.

Ilovani ishlab chiqish - bu yaxshi mahsulotni yaratish yoʻlining boshlanishi, uni doimo takomillashtirish va yuqori oʻrinda ushlab turish muhimdir. ANORBANK mutaxassislari mavjud noqulayliklarni topish va bartaraf etish uchun UI/UX testlari orqali tadqiqot oʻtkazishdi. Ilova bilan ishlashda foydalanuvchilar xatti-harakatlarini tahlil qilish uchun bir guruh respondentlar taklif qilindi. Shuningdek ilovani ishlatish qulayligi ham oʻrganildi.

Ma’lumot uchun: UI va UX sifatli veb-sayt va mobil ilovaning asosidir va savdoni oshirishda muhim rol oʻynaydi. UI – bu foydalanuvchi va ilova oʻrtasida oʻzaro tushunish va bogʻliqlikni loyihalash. UI- foydalanuvchi tomonidan mahsulot yoki ilovadan foydalanishning butun tajribasini qamrab oladi.

Bundan tashqari, ushbu test foydalanuvchining tizim bilan oʻzaro munosabatini tushunishga yordam berdi. Masalan, tugmani qayerga joylashtirish maʼqulroq yoki foydalanuvchi ilova ichida maʼlum bir mahsulotni qanday qidirmoqda.

“Ilovani ishlab chiqishda dasturiy taʼminotdan foydalanish qulayligiga alohida eʼtibor qaratilgan. Bu tushunarli boʻlishi va foydalanuvchilarga yangi funksiyalarga koʻnikish imkonini berishi kerak. IT-sohasida mahsulotlar chiqarilishi xatolarga olib kelishini tushunamiz. Mijozlarimiz xotirjam boʻlishlari mumkin, chunki biz bunday xatolarni darhol toʻgʻrilaymiz”, — deya taʼkidladi boshqaruv raisi oʻrinbosari Nuriddin Hamidov

Sinov natijasida noqulayliklar bartaraf etildi va ilovaning ishlashi yaxshilandi. Ilovamiz foydalanuvchilari endi yanada qulaylik bilan kartadan kartaga 5 million soʻmgacha boʻlgan pul oʻtkazmalarini foizsiz amalga oshirishlari mumkin (ANORBANK karta egalari uchun cheksiz).

Ilovani yuklab olish uchun havola:

https://td.anorbank.uz

Read more