Rasmiy munosabat

Rasmiy munosabat

ANORBANK o‘z aksiyadoriga oid ayrim ommaviy axborot vositalarida tarqatilgan ma’lumotlar bank faoliyati bilan hech qanday huquqiy yoki operatsion bog‘liqlikka ega emasligini ma’lum qiladi. Bankning korporativ boshqaruvi, risk-menejmenti va boshqa barcha jarayonlari amaldagi qonunchilik, Markaziy bankning barcha talablari hamda xalqaro komplayens standartlariga qat’iy muvofiq holda amalga oshiriladi.

Materialda keltirilgan, «Anorbank qiyin damlarni boshidan kechirmoqda» deb boshlanuvchi "iddao"lar mutlaqo haqiqatga to‘g‘ri kelmaydi va jamoatchilikni chalg‘itadigan noaniq ma’lumotlar hisoblanadi. Bank mijozlari hisobvaraqlaridagi har qanday amaliyotlar qonunchilik asosida, Markaziy bank va huquqni muhofaza qiluvchi organlar masofaviy nazorati ostida amalga oshiriladi. ANORBANK mijozlar mablag‘larining xavfsizligini ta’minlash bo‘yicha barcha kafolatlangan mexanizmlarga ega.

Shuningdek, materialda keltirilgan bankning “onlayn-kazinoga pul o‘tkazgani” haqidagi iddao ham absurd va reallikka mutlaqo to‘g‘ri kelmaydi. O‘zbekiston qonunchiligida va milliy bankchilik tizimida bunday amaliyotning sodir etilishi imkonsiz — har bir tranzaksiya avtomatik monitoringdan o‘tadi, shubhali operatsiyalar esa darhol to‘xtatiladi. ANORBANK o‘z faoliyati davomida barcha qonun talablariga qat’iy rioya qilib keladi va mijozlar hamda hamkorlar oldidagi majburiyatlarini to‘liq bajaradi.

ANORBANK shunday paytda xolislik tamoyillariga amal qilib kelayotgan barcha mahalliy OAV va ijtimoiy tarmoq faollariga alohida minnatdorchilik bildiradi.

Читайте также