Anorbank va Osiyo taraqqiyot banki: raqamli moliya rivojlanishi istiqbollari muhokama qilindi

Anorbank va Osiyo taraqqiyot banki: raqamli moliya rivojlanishi istiqbollari muhokama qilindi

   2025-yil 16-aprelda Anorbank bosh ofisida Osiyo taraqqiyot banki (OTB) vakillari bilan O‘zbekiston moliya sohasidagi islohotlarni qo‘llab-quvvatlashning yangi dasturi bo‘yicha tanishuv doirasida uchrashuv o‘tkazildi.

Uchrashuv davomida quyidagi asosiy masalalar ko‘rib chiqildi:

— Raqamli banking va texnologik infratuzilmani rivojlantirish

— Kichik va o‘rta biznes (KO‘B) uchun moliyalashtirish imkoniyatlarini kengaytirish

— Banklar o‘rtasidagi hamkorlik istiqbollari

Anorbank tomonidan bank faoliyatining asosiy ko‘rsatkichlari, shuningdek, PwC (PricewaterhouseCoopers) bilan hamkorlikda tayyorlangan rivojlanish strategiyasining ustuvor yo‘nalishlari taqdim etildi. Bundan tashqari, kelgusi islohotlar va qo‘llab-quvvatlash dasturlari doirasida maslahatlashuvlarni davom ettirish bo‘yicha kelishuvga erishildi.

Ushbu uchrashuv Anorbank va OTB o‘rtasidagi O‘zbekistonda moliya sohasining barqaror o‘sishini ta’minlash, raqamli transformatsiyani amalga oshirish va tadbirkorlikni rivojlantirishga qaratilgan hamkorlikni mustahkamlash yo‘lidagi muhim qadam bo‘ldi.

Shuningdek o`qing