ANORBANK va Kundalik hamkorlik shartnomasini imzoladi

23.10.2023

O‘zbekistonda ilk bor banklar, bank xizmatlarini ko‘rsatishdan tashqari, yosh avlod ta’lim-tarbiyasi haqida ham g‘amxo‘rlik qilib, eMaktab platformasi bilan hamkorlik doirasida o‘quvchilarni yaxshi baholar uchun rag’batlantirishni boshladilar.

“ANOR BANK” AJ va “Kundalik” MChJ o‘rtasida ilgari e’lon qilingan qo‘shma loyiha doirasida tomonlar o‘zaro anglashuv va hamkorlik shartnomasini imzoladilar.

Maktab o‘quvchilarining motivatsiyasini oshirish va ularning bilimga chanqoqligini rag‘batlantirishga qaratilgan keng ko'lamli qo‘shma loyiha shartlariga ko‘ra, eMaktab yagona raqamli ta’lim platformasi bilan birgalikda 2023/24 o‘quv yilida O‘zbekistonning umumta’lim maktablari o‘quvchilarini rag‘batlantirish dasturi ishga tushirildi.

Yuqorida tilga olingan loyiha haqida batafsil ma’lumotni ushbu havola orqali olishingiz mumkin.